iPhone: Како да слушате поткасти

Научете како да ја користите апликацијата за поткасти за да наоѓате и да слушате претходно снимени радио-програми наречени поткасти.

Пред да почнете

Пред да почнете, бидете сигурни дека iPhone е вклучен, целосно полн и дека го покажува Почетниот екран (Home screen). Исто така, вашиот софтвер треба да биде ажуриран.

Постојат голем број различни апликации за поткаст, но во овој курс презентираме како да ја користите бесплатната апликација ABC Listen (ABC Listen app) за да преземете и да слушате поткасти.

Апликациите за поткасти како што е ABC Listen може да се преземат од App Store

Како да преземете апликација од App Store

Отворете ја App Store од Почетниот екран (Home screen) и допрете ја иконата за Пребарување (Search icon) во долниот десен дел на екранот.

Пребарајте ја ABC Listen
На страницата со резултати, најдете ја ABC Listen. Таа можеби нема да биде првиот резултат од пребарувањето што се набројува
Допрете го копчето Земи ја (Get) и допрете на Инсталирај (Install) во скок-полето што се појавува
Можеби ќе треба да ја внесете лозинката за Apple ID (Apple ID password) и да допрете на Најави се (Sign in) за да го почнете процесот за инсталирање
Инсталирањето е целосно кога ќе се појави копчето Отвори (Open).

Како да ја користите апликацијата ABC Listen за да наоѓате и да емитувате поткасти

Отворете ја апликацијата ABC Listen (ABC Listen app) од Почетниот екран. Во горниот дел на главната страница се покажуваат радиостаниците на кои можете да се вклучите. Поткастите се прикажуваат подолу организирани според категорија.

Можете да ги прелистате Најновите и најдобрите (Latest and Best) за да ги видите останатите поткасти што се достапни
Можете да ја прелистате целата страница за да видите повеќе категории
Допрете на некој поткаст за да го слушате
Употребете ја опцијата Прегледај (Browse) за да најдете поткасти според тема, на пример Вести (News)
Сите програми и аудиокниги (All Programs and Audiobooks) покажува целосен список со достапни поткасти
Употребете ја Лентата за пребарување (Search bar) за да најдете поткаст чие име веќе го знаете
На пример, побарајте го The Health Report и потоа допрете го резултатот најгоре. Ќе се појави екранот на поткастот The Health Report
Допрете на Емитувај (Play) за да ја слушате најновата епизода или прелистајте надолу за да видите список со претходните епизоди што исто така можете да ги емитувате
Кога ќе допрете на Емитувај, поткастот ќе се пренесува на вашиот телефон додека се емитува. Ако не сте поврзани на Wi-Fi, ова ќе потроши дел од вашите дозволени мобилни податоци.

Кога емитувате поткаст, запомнете дека треба да ја запрете репродукцијата кога ќе престанете да слушате. Апликациите како што е ABC Listen може да продолжат да работат во заднина и да ги потрошат сите ваши податоци.

Како да ја користите апликацијата ABC Listen за да преземате и да се претплатите на поткасти

Допрете ја иконата Преземи поткаст (Download Podcast icon) што се наоѓа до епизодата на поткаст за да ви стане достапна да ја слушате подоцна. Кога ќе се појави мал знак за штиклирање (small tick), преземањето е целосно.

За да ги најдете преземените поткасти, допрете ја иконата Омилени (Favourites icon) во горниот дел на екранот на апликацијата ABC Listen (ABC Listen app screen) и изберете Преземања (Downloads)
Допрете на кој било поткаст во списокот со Преземања (Downloads) за да го преземете.
Во поткастот исто така постојат контроли за Пауза (Pause), прескокнување 15 секунди нанапред (15 seconds ahead) и 15 секунди наназад (15 seconds back)
За да добиете автоматски нови епизоди од поткастот можете да го Следите (Follow) (во други апликации за поткаст тоа може да биде наречено Претплати се (Subscribe))
На главната страница на поткастот допрете ја иконата Следи (Follow). Ако апликацијата ве запраша да го Зачувате на сметка (Save to an account), можете да изберете Не сега (Not Now)
Кога ќе бидете запрашани дали сакате да Слушате нови епизоди офлајн (Listen to new episodes offline), допрете на Активирај автоматско преземање (Enable Auto-download)
За да престанете да преземате автоматски нови епизоди, исклучете го розовото копче Автоматско преземање на нови епизоди (Auto download new episodes) што се наоѓа на главната страница на поткастот
Најдете ги поткастите што ги Следите (Follow) во екранот Омилени (Favourites)
За да ги избришете епизодите штом ќе ги преслушате, допрете ја иконата Персонализирај поставки (Personalise Settings icon) и најдете ја опцијата Преземања (Downloads) во Слушај подоцна (Listen Later)
Допрете за да го отворите екранот Поставки на преземања (Downloads Settings) и потоа вклучете го копчето Избриши 24 часа после слушање (Delete 24 hrs after listening).

Како да поставите тајмер за да се прекине емитувањето на поткаст

Допрете на иконата Тајмер за спиење (Sleep Timer icon) во горниот десен дел на екранот за да ги погледнете опциите. Изберете ја опцијата за запирање на емитување на Крајот на тековната епизода (End of the current episode) наместо следната епизода на почне автоматски.